ચંદીગઢ શહેર તેના સ્થાપત્ય અને શહેરી ડિઝાઇન માટે આંતરરાષ્ટ્રીય સ્તરે જાણીતું છે. દેશમાં માથાદીઠ આવકના આધારે ભારતના રાજ્યો અને કેન્દ્ર શાસિત પ્રદેશોની યાદીમાં આ શહેર ટોચ પર છે.

માનવ વિકાસ સૂચકાંક, જીવનની ગુણવત્તા અને ઇ-રેડીનેસમાં ચંદીગઢ ભારતમાં પ્રથમ ક્રમે છે. ચંદીગઢ IT પાર્ક (જેને રાજીવ ગાંધી ચંદીગઢ ટેકનોલોજી પાર્ક તરીકે પણ ઓળખવામાં આવે છે) એ ઇન્ફોર્મેશન ટેકનોલોજી વર્લ્ડમાં પ્રવેશવાનો શહેરનો પ્રયાસ છે. વર્ષ 2014ના એક સર્વેક્ષણ મુજબ, ચંદીગઢ વિશ્વના ટોચના 50 શહેરોમાં 9 મું સ્થાન ધરાવે છે, જે બેઈજિંગ જેવા શહેરો કરતાં ઉભરતા આઉટસોર્સિંગ અને IT સર્વિસીસના મથક તરીકે ઓળખાય છે. ચંદીગઢ મેટ્રો પણ વર્ષ 2018 સુધીમાં શરૂ થઈ શકે છે.

વધુમાં, સ્માર્ટ સિટી તરીકે ચંદીગઢનું નામ રોશન કરવા માટે, ચંદીગઢ વહીવટીતંત્રે MyGov. in પોર્ટલ પર રાષ્ટ્રીય નાગરિક પરામર્શ બનાવ્યું છે. જે ચંદીગઢને સ્માર્ટ સિટી કેવી રીતે બનાવી શકાય તે અંગે ચંદીગઢના રહેવાસીઓને તેમના મંતવ્યો, વિચારો, અભિપ્રાયો આપવા માટે આ એક સામાન્ય પ્લેટફોર્મ છે, જેથી નાગરિક કેન્દ્રિત સોલ્યુશન્સ અને નીતિઓનો મુસદ્દો તૈયાર કરી શકાય. MyGov.in ના માધ્યમથી, તમામ રહેવાસીઓ તેમજ ચંદીગઢ U.T. ના વિવિધ હિતધારકોને તેમની ઇચ્છાઓ અને આકાંક્ષાઓને પોસ્ટ કરવા અને શેર કરવા માટે પ્રોત્સાહિત કરવામાં આવે છે, જેથી લોક સહભાગિતા દ્વારા પ્રગતિનો ઉદ્દેશ પ્રાપ્ત કરી શકાય.