ભાષા સંગમ

ભારત સરકારના શિક્ષણ મંત્રાલયે માયગવ ના સહયોગથી આઝાદી કા અમૃત મહોત્સવ અંતર્ગત ઇન્ડિયન લેન્ગવેજ લર્નિંગ ઍપ ઇનોવેશન ચેલેન્જ મારફતે ભાષા સંગમ નામની મોબાઇલ ઍપ વિકસાવી છે. આ ઍપ નો હેતુ વપરાશકર્તાને વિવિધ ભારતીય ભાષાઓ સાથે પરિચિત કરાવવાનો છે. તેનો ઉદ્દેશ સમગ્ર ભારતમાં લોકોને ભારતના વિવિધ રાજ્યોની વિવિધ ભાષાઓ શીખવા અને તેમની સંસ્કૃતિને જાણવા સક્ષમ બનાવીને એક ભારત શ્રેષ્ઠ ભારતની ભાવનાને પ્રોત્સાહન આપવાનો છે.

આ ઍપ્લિકેશનમાં 22 સત્તાવાર ભારતીય ભાષાઓમાં રોજિંદા ઉપયોગના 100+ વાક્યો છે. વાક્યો વિવિધ વિષયો પર તૈયાર કરવામાં આવ્યા છે, જે લોકોને ભારતની કોઈ પણ સત્તાવાર ભાષામાં મૂળભૂત વાતચીત શીખવે છે. આ વિષયોમાં શુભેચ્છાઓ, મુસાફરી અને ખરીદી માટે મૂળભૂત પ્રશ્નો અને સરળ રીતે તેમના જવાબોથી વૈવિધ્યસભર છે. દરેક પ્રશ્ન પછી, વપરાશકર્તા MCQs દ્વારા તેમજ વૉઇસ સક્ષમ પરીક્ષણ દ્વારા વાક્ય શીખ્યા હોવાનું પરીક્ષણ કરવામાં આવે છે.

એકવાર વપરાશકર્તા બધા મોડ્યુલો શીખી લે છે, ત્યારે તેનું બધા 100+ વાક્યો પર આધારિત પરીક્ષણ કરવામાં આવે છે અને પરીક્ષણ ઉત્તીર્ણ કરવા પર, એક પ્રમાણપત્ર જારી કરવામાં આવે છે. ભાષા સંગમ ભારતના વિવિધ પ્રદેશોમાં અભ્યાસ કરતા અથવા કામ કરતા પ્રવાસીઓ, વિદ્યાર્થીઓ, કામ કરતા વ્યાવસાયિકો અથવા ભાષાના ઉત્સાહીઓ માટે પણ મદદરૂપ છે કારણકે તે વિવિધ ભારતીય ભાષાઓમાં દૈનિક દિનચર્યામાં ઉપયોગમાં લેવાતા વાક્યોને શીખવા માટે સક્ષમ બનાવે છે. ભાષા સંગમ બધાને એક ભારત શ્રેષ્ઠ ભારતની ભાવના વહેંચવા અને આપણા દેશની ભાષાકીય વિવિધતાની ઉજવણી માટે સક્ષમ બનાવે છે.

આ ઍપ Android અને iOS બંને પ્લેટફોર્મ પર ઉપલબ્ધ છે