ભારતને વિશ્વની ફૂડ બાસ્કેટ તરીકે રૂપાંતરિત કરવામાં ફૂડ પ્રોસેસિંગ ક્ષેત્રની સંભવિતતાને ઓળખીને ભારત સરકારના ફૂડ પ્રોસેસિંગ ઉદ્યોગ મંત્રાલયે ફૂડ પ્રોસેસિંગ પેટા સેગમેન્ટમાં રોકાણને ચેનલાઇઝ કરવા પગલાં લીધા છે. તેમાં બેકવર્ડ લિન્કેજ, ફૂડ પ્રોસેસિંગ ઇક્વિપમેન્ટ, પ્રોસેસિંગ સંબંધિત સંશોધન અને વિકાસ, કોલ્ડ ચેઇન સ્ટોરેજ સોલ્યુશન્સ, સ્ટાર્ટ-અપ્સ, લોજિસ્ટિક અને રિટેલ ચેઇન સામેલ છે, જેમાં સંપૂર્ણ ફૂડ પ્રોસેસિંગ વેલ્યુ ચેઇન સામેલ છે.

વિશ્વને સમૃદ્ધ ભારતીય ખાદ્ય સંસ્કૃતિનો પરિચય કરાવવા તેમજ દેશના વિવિધ ફૂડ પ્રોસેસિંગ ક્ષેત્રમાં રોકાણને પ્રોત્સાહન આપવાના ઉદ્દેશ સાથે, ફૂડ પ્રોસેસિંગ ઉદ્યોગ મંત્રાલયે 2017 માં વર્લ્ડ ફૂડ ઇન્ડિયાની પ્રથમ આવૃત્તિ શરૂ કરી હતી. વર્ષ 2023ને આંતરરાષ્ટ્રીય મિલેટ વર્ષ તરીકે ઉજવવા અને ગ્લોબલ ફૂડ પ્રોસેસિંગ ઉદ્યોગને એક મંચ પર લાવવા માટે ફૂડ પ્રોસેસિંગ ઉદ્યોગ મંત્રાલયે વર્ષ 2023માં બીજી આવૃત્તિ વર્લ્ડ ફૂડ ઇન્ડિયાનું આયોજન કર્યું હતું.